ඔහු මා හඳුන ගත්තෙ
මගෙ පොඩ්ඩක් වුනත්,
නිතර කපල, පිලිවෙලකට
තියන කොන්ඩෙ හින්ද.
ඉර්ෂාන්, මගෙ කරනවෑමියගෙ නම
අපි හමුවෙන්නෙ,
හම්බන්තොට ඉර්ෂාන් සැලොන් එකේදි.
කලක සිට බැඳි පෙමකින් වෙලිලා
ඔහු කරකාර බැඳලා තියෙන්නෙ
අසල්වැසි සිංහල තරැණියක.
මා දන්න, ඇසුව, තරමට
එයාගෙ පෙම්වතිය-නෝනගෙ
අධ්‍යාපනයට
විශ්ව විද්‍යාලෙ, විද්‍යා
බාහිර උපාධියක් ලබාගන්න,
ලබාගෙන රජයේ කන්තෝරැවක,
රස්සාවක් හොයා ගන්න
ඉර්ෂාන් කොන්ඩ කැපුව,
කොන්ඩ කපල ජීවිතයක් හැදුව.
අවුරැදු දෙකකට විතර පස්සෙ
කාලෙකට,
ඉර්ෂාන් සැලොන් එක
වහල තිබුන,
මාසයක් විතර.
මගෙ කොන්ඩෙ වැවුන.
ආයෙමත් සාප්පුව ඇරැනම
මා ගිහින් කරනවෑමි පුටුවෙ වාඩි වෙලා ඇහැවුවම
ඇයි සැලොන් එක
වහල තිබුනෙ කියල
ඉර්ෂාන් ඇඬුව.
"බලන්න මට වුන දේ" කියල
කතාව කිව්ව
ඉර්ෂාන්ගෙ පෙම්වතිය,
ඔහුගෙ බිරිඳ, ඔහු හැරදා ගිහින්
අවුරැදු පහමාරකට පස්සෙ
ෆේස් බුක් එකෙන් හඳුන ගත්ත
අළුත් පෙම්වතෙක් එක්ක.
ඉර්ෂාන් දුක් වුනාලු
වැඩට එන්න, කඩේ අරින්න
හිතක් දුන්නෙ නෑලු.
ඉර්ෂාන් හදා ගන්න මහන්සිවුනු,
හීන මවපු, ඒ ලස්සන අනාගතේ
හොරැ අරන් ගියාලු.
ඉර්ෂාන් බැගෑපත් උනාලු.
ඒ සම්බන්දෙ නවත්තල
හිත එකලසක් කර ගන්න කියල ඇයට කීවලු.
ඒත් ඒව ගනනකටවත් ගත්තෙ නැති හන්ද
ඉර්ෂාන් ඇයට සුබ පැතුවලු,
එයාගෙ ආගමේ විදියට පල්ලියෙ
වැඩිහිටියන්ට දැනුම් දීල,
ඇයට සමු දුන්නලු.
තව මාස ගානකට පස්සෙ
දවසක මම කොන්ඩෙ කපා ගන්න ගියාම ඉර්ෂාන් මට කීව
එයාගෙ දෙමව් පියො එයාට
බිරිඳක හොයල තියෙනව කියල
කොළඹ පැත්තෙ ජා ළමයෙක්
ලබන මාසෙ මඟුල
මටත් කිව්ව
කොළඹ හින්ද මට
යන්න බැරි වුනා.
ඒ ගොල්ල ආයෙ හම්බන්තොට
ආවට පස්සෙ, මම ඒගොල්ලට
කෑම ටිකක් කන්න අපෙ ගෙදරට
ඇරැයුමක් කලා.
ඉර්ෂාන්ටයි, එයාගෙ අළුත් මනමාලියටයි.
ඊයෙ හවස ඒ දෙන්න ආවා,
ආවම තුන් දෙනයි.
තුන් වෙනියා අෂ්රා
වයස අවුරැදු හතරයි
දඟකාර හුරැ බුහිටි
කෙලි පොඩ්ඩ.
ඉර්ෂාන්ගෙ අලුත් මනමාලිගෙ දූ.
එයාගෙ කතාව
ඉර්ෂාන්ගෙ කතාවටත් වඩා ශෝචනීයයි, කටොකයි.
දූ පොඩ්ඩ,
ඉර්ෂාන්ගෙ ඔක්කට වෙලා
'ඩඩා' කියලා ආදරෙන් එයාගෙ
මූණ අතගාලා,
එයාගෙ දිහාට, ඉර්ෂාන්ගෙ අවධානය
ගන්න හදන විදියයි,
ඉර්ෂාන් එයාට දැක්වූ ප්‍රතිචාරයයි
දැක්කම මට හිතුන...
ඉර්ෂාන් නම් වූ ඹහුගෙ...
මගෙ බාබර් මිත්‍රයගෙ
මනුස්සකම
කොයිතරම් උත්තමද කියල.
අද පළ කලෙ ඉර්ෂාන්ගෙන් අහල, අවසර අරගෙන. නම් ගම් වෙනස් කරන්න මට ඹ්න වුනත්, ඉර්ෂාන්ට ඹ්න වුනා ඒයාගෙ කතාව, ඇති සැටියෙන්ම මා කියනව දකින්න.
ගූගල් ඉමෙජ් ඒකක්
No comments:
Post a Comment