රැපු නසන තාණ්ඩවය

සියලු බාධක බිඳන් රජ වෙන්න වුනු පිනෙන්
වෙර බලය දරාගෙන රැපුන්   නැසු අනුහසින්
හඟිමු කරනා කාරි වටින       මිණි මුතු අරන්
ණය නොවී ඉඳිමු අපි නිවහල්ව       නිදහසින්

පුතුන් රිසි පුහුඹු වැඩ කිරා මැන        බලනවද
වැරදි දේ දුටුව තැන නොදුටු සේ      ඉන්නවද
බුදුන් දෙසු රම් වදන් අනුව           පිළිපදිනවද
නැති ධනය වැය කරන් උඩ ගිහින් වැටෙනවද

රන්දිවේ සම්පතින් එකිනෙකා       හැදෙනවද
ඵලදෙන්න කලින් දෑ විකුනන්න        හදනවද
අරපරිස්සම මිසක අන් දමක්            රකිනවද
සොබා දම් මවුට වන වින කර්ම        දකිනවද

නීතියට රීතියට හිස නමා                 රකිනවද
ගිවිසි සේ පති බලය අවම කර       පෙන්නමුද
සුදුසු අය මිසක බල එහෙයියන්        වඩනවද
දස රාජ දම් බෙලෙන් රට රකිනු       රිසි වේද

සිත් සතන් පිරේවා මනස් මල්            පිපේවා
කරැණාව මෙත්තාව වැඩේවා             දිනේවා
හදේ ගිනි නිවේවා සාම දම්               රැකේවා
රට කරන හැම අයට යහ මගම       පෙනේවා

රෙන්ටන් ද අල්විස් ලිව්වෙ, 2013 මැයි 1 වනදා