අසා වින්දෙමි මනස් විල හිඳ
පිපෙන්නට මා තතනනා කල
දෑත දිගුකොට සිඟා ගත්තෙමි
එවන් ගීයක මියුරැ පදවැල්
ගැයු ගී හේ සොඳුරැ මිනිසෙකි
පද ගෙතූ ඒ කිවිඳු සිතුමන්
මනස් විල මත ඇඳී ඇති බව
මැකී වියැකෙන ඇගේ සඳවත
මතක අවදිය පහන් වූ සිත
ලොවක අසිරිය මට කියාදී
සොඳුරැ හිතුවිලි සිහින පොදි බැඳ
මගෙන් සමුගෙන දුරක ගිය වග
කියා මා සිත සනසවන්නට
හැකිද කිවිඳුනි ගී බඳින්නට?
රෙන්ටන් ද අල්විස් ලිව්වෙ
රැව නිදහස් ගූගල් ඉමෙජයක්
No comments:
Post a Comment