ආරිච්චි බෝරිච්චි
කෙටිසටහන් ප්‍රශ්නෝත්තර
ඉස්සරහට ඇවිල්ලා
ඔලු ගෙඩි වල පිරීලා
මුල් පොත් මුල් වෙලා උන්න
කාලය දැන් ගිහිල්ලා
හබුන් කටයි නූඩල් රැල්
රජ වෙන්නට ඇවිල්ලා
ඉස්කෝලේ යන්නෙ නැතුව
පංති යන්න සැදීලා
සල්ලි නැතුව දෙන සිල්පය
පොට්ට කාසි ලෙසේයා
සල්ලි ගෙවල රංචු පිටින්
ගාල් ගැහෙන ලෙසේයා
ශිල්පය දැන නොදැන වුනත්
විභාගයට සැදේයා
කඩඉම් ලකුණේ ඉම පැන
සරසවියට ගියෝයා
දැනවත් පින්වත් දරැවනි
කියවන්නට සිතේයා
ශිල්ප සතර නැණ ගුණ බල
සරසවියෙදි විඳේවා
විමසු සිතින් මිනිසත්කම්
වැළඳ ගන්න ලැබේවා
ජීවිතයම ජයගන්නට
තව ජීවිත ගොඩ ගන්නට
සවිබල දිරි පණ ගැහිලා
ශිල්පයෙ පින් ලැබේවා!
රෙන්ටන් ද අල්විස් ලිව්වෙ
No comments:
Post a Comment