සිත තවන යාදින්න

 

 

පිපාසයට පැන් බිව්වට
කාන්සියට කවි කිව්වට
හිතේ නැගෙන ළැව් ගින්දර
නිවා ගන්න බෑ

විරිත් අනුව කවි ලිව්වට
ආදරේට දොස් කිව්වට
මනුස්සකම අහක දාලා
බලන් ඉන්න බෑ

පෝයදාට බණ ඇහුවට
සිල් අරගෙන වත පිරැවට
හිතේ කහට රහ කර කර
බි බී ඉන්න බෑ

සරා යොමන සිතුවිල්ලට
දමා කොමා නැවතිල්ලට
මෙරක් වගේ මේ බරපොදි
හලා යන්න බෑ

සුදු නෙලුමක වග දුටුවට
සමනලුන්ට දෙස් දුන්නට
පහන් සිතින් මේ සේරම
දරා ගන්න බෑ

දෙනෙත් අයා බලා ඉන්ට
අඳුරැ පටල ඉරා ලන්ට
නුඔට මිසක් වෙන කාටත්
ඉඩක් ඇත්තෙ නෑ

ලිව්වෙ රෙන්ටන් ද අල්විස්