නගරෙ දුටුවට කුඩා වුන් හුරතලට හදනා පරවියන්
අතේ ගුලි කර ඔට්ටු වෙන්නට වීසි කරනා පරවියන්
ඈත අහසේ ගුවන් කරනම් රැවා පෙන්නන පරවියන්
ඉන්නෙ දුරැ රට සරැ හිතුම් ඇති අහිංසක වල් පරවියන්
නදක් නැතුවට පියා විදමින් කුකුස් හිත් ඇති ණැනැසියන්
එහෙව් ලෝකෙක අපට නැති ඉඩ සරා වරලන සිරි ලියන්
කූඩු තැනුවට ගෙවල් හැදුවට උන්ගෙ තාලෙට වියු වියන්
අපේ ලොව උන් කරක් ගෑවට උන්ගෙ ලොව ඇත උඩු වියන්
ඇයිද එන්නේ හඹා පසුපස නිදැල්ලේ උන් පරවියන්
උන්ගෙ උත්තම නිදහසේ රඟ සරා සරනා පරවියන්
සරිය දැක දැක උද්දාන ගුණ රකිනවා වල් පරවියන්
එපා කිසිවිට හිත් පෙලන්නට අයිති කරගෙන පරවියන්
රෙන්ටන් ද අල්විස් ලිව්වෙ, 2013 පෙබරවාරි 13 වෙනිදා,
 |
| Free Google image |
No comments:
Post a Comment