Friday, September 20, 2013

පාර අයිනෙ බුදුපිළිරැව

තන්හා රති රඟා
රැඟුමින් මියුරැ
දැවන බිඳ නොගත් ඔබ
මුචලින්ද නාගයන්
දරණින්ද සෙවන ලැබ
මොරගහන වරැසාව
ඉවසවා වදාළා
දහම් සුවඳින් සතන්
සිත් නෙතුද අවදි කල
බුදු සමිඳූණි ඔබ
මෙනෙහි කල දහම් රස
සෙවන දුන් බෝ රැකට
අනිමිස ලෝචනයෙන්
කළෙහිගුණ වැඩූයේ
පාමුල්හීම වැඩ
දම්සක් සුතුරින්
සතන් මන පෑදුවේ ...

මෙදා ඔබ මෙවන් ලෙස
කොන්ක්‍රීට් කුටිය තුල
පන්සලෙන් මහ පාර
දෙසට ඔබ නෙත් යොමා
විදුලි බුබුළින් දෙවන
සවනක් වු එළි දැලෙන්
හාස්කම් කතාවෙන්
දෙවියන්ද පිරිවරා
මහ පිරිත කවි බණද
කැසට් පට හඬ කවා
ඈත හිස් අවකාසෙ
පිරෙනකන් පතුරවා
පිං කැටය පුරවන්න
හරය බිඳ නරැම වුනු
පුහුබුවන් පිනවන්න
හෙමද මගෙ සමිඳුනේ
මෙයද මගෙ සමිඳුනේ
කලියුගයෙ ඔබ දකින
අද දවසෙ අප හඟින
ඔබ දෙසූ දම් සුවඳ !



ලිව්වෙ රෙන්ටන් අල්විස්
 
 
 
 
 
  
නිදහස් ගූගල් ඉමෙජයක්
 

No comments:

Post a Comment