උපකාරක පංති

දුර්වලයි මේ දරැව
පංතියේ වැඩ කොටස
මදි ඔහුට ගොඩ එන්න
මදි ඇයට වැටහෙන්න
විභාගය ජයගන්න

ඉස්කෝලෙ වෙලාවෙම
මගේ පංතියක් වෙත
එවන්නකො දරැවන්ව
සුලුවටයි ගෙවිය යුතු
නිසැක ජය සහතිකය

සතියකට එක් දිනක්
ඉස්කෝලෙ ගිහිල්ලා
පොත ලකුණු කලෝතින්
ලියන්නට විභාගය
සුදුසුකම හරියනවා

සති අන්ත වල තියන
අර සර් මේ සර්
පවත්වන පංති යන
දරැවන්ට තව හොඳය
ඒ අයත් අපේ හොඳ
කණ්ඩායමේ අයය

මං වුවත් ඉස්කෝලෙ
විෂය ගැන ගුරැවරය
එහෙ උගන්නපු කොටස
හොඳින් දරැවන් මනස
සනිටුහන් නොවුන බව
මෑණියනි පියාණනි
කනස්සල්ලෙන් කියමි

මේ ඛේදවාචකය
දිගහැරෙන පාසලෙදි
ත්‍රස්තවාදයක් ලෙස
ගිල ගනියි දරැ මනස
ප්‍රඥාව වල දමයි

විකිනෙනා විකුනනා
බුද්ධියට නිගා දෙන
ගුරැහොරැණි
සිතනු මැන යොමා සිත
ඔබ කරන කාරි ගැන

පෙර කලදි සිටි නයින්
ඇදුරැ තුම නැමැද ගරැ
දරැ සිතද නොරිදවා
බලනු මැන කිරනු මැන
ගුණාගුණ කාරනා

ලිව්වෙ රෙන්ටන් ද අල්විස්