දෙමුද නිදහසට දැන්
මඳක් හෝ ඉඩ කඩක්
නිවහල්ව සිතන්නට
විමසුමෙන් බලන්නට
බැඳුම් බිඳ දමන්නට
සමනලුන් සරනසේ
බිඟුන් කැල බමණ සේ
තුටින් රොන් සොයන්නට
සොයන රොන බෙදා ගෙන
වදයෙ මී බඳින්නට
බැන්ඳ මී රකින්නට
කුඩාවුන් වඩන්නට
යහගුණින් සපිරි වුන
ලොවක සිරි විඳින්නට
සොබාදම් මවුන් කුස
කලලයක වැඩෙන්නට
ගහ කොළද සතුන් කැල
ආදරෙන් හදන්නට
වින නොකර ඔවුන් හට
සොයුරැ වී බැඳෙන්නට
හරිත ලොවකට සමව
බවුන් දම් වඩන්නට
මිනිස් කම උතුම් බව
මෙනෙහි වන කාරි කර
මොනවටම පසක් කොට
අසිරිමත් දෙසක් බව
උදම් ගී ගය ගයා
අසිරියට වින ගෙනෙන
කාරණා නොම කරන
අනුන් හට විඳින්නට
වන දෙයම තමන් හට
විඳින්නට වන නියා
අණ සැමට එකලෙසම
පතුරැවා හැරලුවා
වැඩී එන නැවී යන
සොඳුරැ සිතුමන් සමග
සැබෑවට ඔප ගැනුන
මියුරැ ලෙස ගී ගයත
සාමයේ අරැණැල්ලෙ
රහ කිරන විදා ලන
අපටමය අපගේය
කටපුරා කියත හැකි
දම් සරණ පිහිටි වූ
දීපයක් දේශයක්
පොඩි උන්ට උරැම කොට
නිදහසේ මියැන්නට
දෙන්න මට අවසරය
ඔබ ඇකයෙ නිදන්නට
ඉරා බැඳි කඩතුරා
දෙන්න ඉඩ නිදහසට.
රෙන්ටන් ද අල්විස් ලිව්වෙ
2013 පෙබරවාරි 04 වෙනිදා, නිදහස් සැමරැම් දිනයෙ උදේ
No comments:
Post a Comment