 |
| පසුබිම නිදහස් ගූගල් ඉමෙජයක් |
අඳුරැ වැහි අහස අද
මට කියා ගෙන ගියා
හිරැට එනු නොහැකි බව
කුඩාවුන් ඉස්කෝලෙ
යන මගදි හමුවුනා
අද උන්ගෙ හිනාහඬ වියළිලා වියැකිලා
ගමට කඩයප්ප දෙන
හින්නි අම්මට වැස්ස
බඩට ගහලා ගිහින් හූල්ලල බලනවා
යසට හැදු නියර බැමි
කඩින් කඩ කැඩීලා
කඩේ සීයගෙ කුඹුරෙ එක වැඩේ දෙක වෙලා
සිප්පි ලයිසියට අද
නිවන් මග පෑදිලා
හවස බොන ගිණිවතුර ණයට ගන්නට වෙලා
වෙසක් මල් මැලවිලා
බටිති කැල හැංගිලා
සුළඟෙ වෙලි කොහොඹ ගහ ලජ්ජාවෙ ඇඹරැනා
යලි එන්න පායලා
සිත් අඳුර මකාලා
නාවොතින් කුඩාවුන් උරන වෙයි සිතාලා
රෙන්ටන් ද අල්විස් පබැදුමක්
No comments:
Post a Comment