සිහින ලොවට පාව එන්න
තරැ කැට මත හිඳ නටන්න
නෑසුන හඬ හැඩ දකින්න
අහිමි ලොවක් දිනාගන්න
මතක පොතේ කවි කියන්න
මියුරැ ගීත රස විඳින්න
සමනළ සුරඟුන් දකින්න
ඔබේ ලොවේ රජ කරන්න
අත්වැල බිඳ ගමන් යන්න
වැටුන සැණින් නැගී ඉන්න
රිදුනොත් හඬගා හඬන්න
ආදරයට ඉඩක් දෙන්න
වාරැ නැතත් කෙලින් ඉන්න
දිය මත හිඳ පාව යන්න
දියකිඳුරන් හා රඟන්න
ජල කඳ සිඳ ලොව දිනන්න
හිමි ලොව මත පා නගන්න
අහිමි ලොවට පෙම් වඩන්න
සරණ ලබා එය දිනන්න
ඔබේ ලොවට මල් පිපෙන්න
අප සමාජයේ, ආබාධ සහිතව ආදරය, කරැණාව හා උපකාරයට වඩා, අනුකම්පාව වැඩි වශයෙන් ලබමින් වැඩෙනා විශේෂ දරැවන්ට පිදෙන උපහාරයකි.
ලිව්වෙ රෙන්ටන් ද අල්විස්
No comments:
Post a Comment