නැටුම් බිමේ ඇදය හින්ද
වන්නම් පද ගිලිහුනාද
වැදි රජු හට අසිපත දී
මනමෙ කුමරැ තනිකලාද
හැංගි හැංගි වෙස් බැන්දට
නැටිය යුත්තෙ එළිමහනෙද
මගේ ලොවට නුඔ වුනාට
නුඔට ඉන්නෙ මං විතරද
ගෙඩි කඩන්න ආව සොරා
තණ කපන්න ගස් නැංගද
හිතේ කහට මකාලන්න
සිනා කැණින් සැරසුවාද
දිස්නෙ දිදී දිලිසුනාට
හැම දෙයක්ම රත්තරන්ද
ආලවන්ත කෝඩ බැල්ම
පිපාසයට පැන් බිඳක්ද
කනාමැදරි එළියට බය
ගිනිපෙලෙලෙන් බැට කෑවද
පිදු සෙනෙහස පෑල දොරෙන්
පිලිකන්නේ හැංගුවාද
කන කොකාගෙ සුද පෙනෙන්නෙ
පියඹා යන විටදි නේද
ආදරයට ඉගිලෙන්නට
අවසරයක් ලැබෙනවාද
ලිව්වෙ රෙන්ටන් ද අල්විස්
No comments:
Post a Comment