සසවතේ එන සඳේ රැව ගැන කුමට මා හට කියා දුන්නද
පියන් හැර ගිය සිදත් කුමරැන් බුදුන් වූ බව පසක් කෙරැනෙද
දාන පාරමි පුරන රිසියෙන් දරැනුවන් සිත් සසල කෙරැවද
ලොවක් සැරසූ දහම් ගුණයෙන් නිවුන ගිනි යලි දවා ලූවද
අසන්නට දම ලොවම සරසන සියලු ඉඳූරන් පිහිටි වූවද
කියන්නට දම් සසර සරනා ඵලය හේතුව පිහිට වූවද
කියන අසනා දහම පමණද කරන කාරිය කුමක් වූවද
අනේ මිනිසුනි! කියා දෙන්නකො හේතු ඵල දම අරැත මේකද
එන්න අඩකින් විවර කවුලුව විදා බලමින් සරන ලොවකට
හඬන දරැවකු අසල වැතිරැනු වැරී ගිය මව පිනන ලොවකට
ලෙඩෙකු මහළකු මහන පුඹුලෙකි තිලක වූ දම උරැම ලොවකට
ගයන්නෙමි මම සරණ යාදිනි හඬා හිනැහෙන එවන් ලොවකට
යන්න එන්නකො මනස් විල මත පිපෙන කුසුමන් බලා ඉන්නට
එන්න යන්නකො නිහඬ සිතුමන් භාවනා ගුණ පසක් කරනට
වදන් නොව ලොව කරන කාරිය පහන් සිත් මත වැතිර ලන්නට
දෙන්න සමිඳුණි දෙන්න කාරන ඔබේ සෙවනට විත් විඳින්නට
ලිව්වෙ රෙන්ටන් ද අල්විස්, 2013 ජනවාරි මාසෙ 26 වෙනි පෝදා උදයෙ ...
 |
| කිදහස්ව භාවිතයට මුදා හල ගූගල් ඉහමජ්යක් |
No comments:
Post a Comment