මිලියනම දෙකක්වත් නැතුව බැහැ
රැපියල්ම. කජු, කොස් ඇට නෙවි
බලනවද රෑප පෙට්ටියෙ, විවාහ,
සුබ මංගලම්, යසට, රැවට
ව්යාපාර දිලිහෙනව, නලියනව
ආරිච්චි, බෝරිච්චි, බෝල, මාල
පත්තරේට පින්තූර, විකුනනව, විකිනෙනව
අන්දන්න ලක්සයයි, ගෙවන්න ජීවිත කාලයයි.
පැකෙජ් කල රන් පාට, අන් පාට, ප්රපෝසල්
බඳින්න නෙවි, බන්ඳවන්න
මුල ඉඳලා අගට, ඉන් එහාට
බිල් සැවොම ගෙවනකන් දෙනව,
ෆුල් සර්විස් . වැඩ අපෙ, බිල ඔහෙලගෙ.
මංඟල ඇඳුම, දෙන්නටම
ඇඟේ හැටියට, ආස හැටියට
ඔපේ වැඩි විට, ගාන ලඝු නැත.
නැන්ද මාමට, අම්මා අප්පට
වෙහෙසකර වැඩ කරන්නට නැත
මනාලිය වත පාට කරනට
රෑච් ගාලා කැත මකන්නට
කොන්ඩ සැරසිලි අඹරවන්නට
මැචින් ඇඳුමින් සරසවන්නට
පලාස්ටික් මල් පොකුරැ දෙන්නට
සැදී පැහැදී ඉන්නෙ අප සැම
ජීවිතේ එක වරක් කරනට
ණය වුනත් හෙම, වරද නම් තැත.
ලකට කල කාඩ් පත්
ලිස්ට් එකට යැවිය හැක
කුරියර් සේවයෙන්
නෑදෑයො හැමෝටම
රමණීය මඟුලකට
රමණීය ලෙස එන්න
බේරගෙන උකස් කල
රන්බරණ කොහොම හරි
අලුත් සාරිය ගන්න
ඉන්දියාවට යන්න
ගොහින් එන ගමන මග
ගයාවත් වැඳ ගන්න.
සාලාව සරසන්න
තවත් එක ලක්සයක්
විතර තිබුනොත් හේම
ලස්සනට වැඩේ වෙයි.
පින්තූර ඇල්බමය
වීඩියෝ දර්ශණය
විශේෂිත වැඩ එක්ක
තව ලක්ස දෙකක් වෙයි.
බෑන්ඩ් එක නැතුව බැහැ
ටියුන් ටික ගහන්නට
ජයමගුල් ගී ගැයුම
රී මික්ස්ව තියෙනවා.
ස්තොත්රත් ඒ වාගෙ
ඩීජේම ගහනවා.
ගෙවන මුදලට අනුව
ලකය වැඩි කෙරෙනවා
සූපර් ස්ටාර්ලා එක්ක
පිහන වැඩ කෙරෙනවා
රට බීම, රට කෑම
අඩු නැතුව බෙදනවා
කේක් එක ලංකාවෙ
රැව වගේ හදනවා.
එන ඈයො දෙන තෑගි
ඩබල් කර හැදෙනවා
හැමෝටම ජය සතුට
එක විලස බෙදනවා.
බාගයක් ගෙවාලා
වැඩ පටන් ගන්නවා
මඟුල් දා උදෑසන
ඉතිරියද ගෙවෙනවා.
දැන් ඔන්න වැඩේ හරි
ඔය දෙන්න බඳිනවා
බිල දිහා බලන එක
සතියකින් කරනවා.
පිල් විහිදු මොණරැ මෙන්
ලකල් කර නටනවා
පසු පිටට හැරැන විට
යස හෙළුව පේනවා.
ඇවැසි වියදම් මිසක
නාස්තිය කපා හැර
මතු දිවිය නගන්නට
දිරිය ඇති දූ පුතුණි
ඔබ තනන කැදැල්ලට
සවිය පරඬැල් සමග
මංගලේ ජය ලකුණු
එක් කරන් තනා ගෙන
අන් සැවොම පීනනා
යන රැල්ල බිඳ දමා
උඩු ගංව පීනන්ට
දිරිය ලැබ දිනේවා !
ආයුබෝවේවා !
ලිව්වෙ රෙන්ටන් ද අල්ව්ස්
