රට ගිය මාමා

ආවට ගියාට කරන්නෙ කොහොමද
සොයාල බලාල කිරාල බැලුවද
පිටත පොත්ත යස රඟේට තිබුනට
ඇතුලත හොඳහැටි ලකේට තිබුනද?

දෝණිගෙ පෙළ වහ අගේට කෙරැනද
මාමගෙ කාරිය වෙනකෙක් කෙරැවද
දුරැ රට කතරක තනියම හිටියට
හිතෙන් ඔහේ මං උන් බව දැනුනද?

හිටියට නොහිටිය ගානට උන්නට
ඉඳල හිටල මං තැපෑල එව්වට
කරනා කාරිය හරිහැටි කරගෙන
එනවා ළඟදිම උඹලගෙ තුරැලට

ලිව්වෙ රෙන්ටන් ද අල්විස්

යථාර්තය

හැදුනාද දෙවොලක්
නළලත බිම පිරිමැද 
වඳින්නට පුදන්නට
කෙරැනාද කාරියක්
දෙවිඳුන්ට යාග දෙන්නට
බැඳි අතින් යදින්නට 
පෙනුනාද හීනයක්
දිනකරින් මුවාවට
අසුබ පල ගෙනෙන්නට
වැව්වාද වගාවක්
කර්කශවු කතර මත
සරැ නිලට දිලෙන්නට
යස ලකට වැඩෙන්නට
වැඩී පණ පොවන්නට.

ලිව්වෙ රෙන්ටන් ද අල්විස්

අස්වැසිල්ල

හඬන්නට නොහැක මට

මතක පිටු වැළඳ ගෙන

ගයන්නට නොහැක මට

විරා ගී ඔබ නමට

සරන්නට නොහැක මට

කිසිත් නොම වුනු විලස

කෙසේ නම් කියන්නද

ආදරෙයි මං නුඔට

ගලා ගිය මඩ වතුර

ජරාවූ කානුවක

එක්තැනක රඳා හිඳ

පල් වෙලා දුඟඳ දුන්

නාස් පුඩු මත ඇඟිලි

තද වෙන්න වසාගත්

කාලයක වෙලාවක

හෝරාව මතක නැත

එනු රිසිව ආ ලෙසට

ජීවිතය වසාගත්

සැඬ සුළං පහව ගොස්

මද නලට ඉඩ කඩක්

සැදී ඇත ඉම කොනක

අටවකේ අඳුර බිඳ

පෑයු අඩ සඳක් වැනි

මිහිතලය නොව හුදෙක්

වළා ගැබ එළිය කල

මඳ අඳුර පහන් විය.

ලිව්වෙ රෙන්ටන් ද අල්විස්