ආරෝහණ අවරෝහණ

කවි කීවට ගී ගැයුවට
මියුරැ දසුන් නැතෝ
හදපත්ලෙන් පෙම් කලාට
අනගි වරම් නැතෝ
උඩ පැන්නට බිම වැටුනට
පස්ස ඇණුනෙ නැතෝ
අහස උසට මං බැන්දට
දිව මාලිග මොකෝ

සන්සුන් සිත් හඹාගියත්
බඩ පිරෙන්නෙ නැතෝ
අනිත් උන්ගෙ බඩගින්නට
දෙන්න දෙයක් නැතෝ
බලන බලන හැම පැත්තෙම
සුමට බැලුම් නැතෝ
ජීවිතේට අරැත දෙන්න
බර දරන්න වෙතෝ

සොඳුරැ හීන පතා ගියත්
පෑල දොරක් නැතෝ
යහන මතට ඇද වැටුනට
නින්ද යන්නෙ නැතෝ
නින්ද ගියත් පෙනෙන හීන
වැඩකට නම් නැතෝ
බලන් ඉන්න හෙටත් එන්න
කියා යන්න එපෝ

ලිව්වෙ රෙන්ටන් ද අල්විස්

 

ගාල්ලෙ පිණුම් - රැව ගත්තෙ  http://www.urlaub-sr-lanka.info/