වරිගෙ බරපොදි බරට විකුණුන
නවාතැන් පොලෙ බාල්කය මත
හට්ටි පොඩ්ඩක දිරපු ලනුවක
වරෙක දුටුවා පුංචි කහවණු
වේයො උන්නට බිත්ති තිබුනට
උන්ට රසකර කන්ට දේ නැත
පරපුරේ රස කතා ගෙතුවට
දුක්ක දොම්නස ඉහ පුරා ඇත
මැවිසි කෙඳිරිලි පෙට්ටගම් තුල
කටොලු පරඬැල් තිබුන ඇඳ යට
කස්තාන කඩු මල බැඳී ඇත
ලියපු පන්හිඳෙ තුඩ කැඩී ඇත
පොළොව කඩතොලු වහල සිදුරැති
හාන්සිය මත පුටුවෙ හිල් ඇත
සාංකාවට ඉහළ බැලුවට
බලන්නට නිසි වරම් හෙම නැත
පළිඟු බන්දෙසි ඉරිතලා ගිය
පොඩි කටුව හැලු බට්ටා ඔර්ලොසු
කාලෙ කෑවට වෙලා බැලුවට
වරිගෙ සේ රෑ බිම වැටී ඇත.
ලිව්වෙ රෙන්ටන් ද අල්විස්
No comments:
Post a Comment